Şabranda yeni üzüm bağları salınmışdır

Regionların sosial-iqtisadi inkişafına dair ikinci Dövlət Proqramına müvafiq olaraq Şabranda üzümçülüyün inkişafı ilə əlaqədar ardıcıl tədbirlər həyata keçirilir.
AzərTAc xəbər verir ki, hazırda rayonda üzüm plantasiyalarının sahəsi 380 hektara çatdırılmışdır. Bu il rayonda əlavə 15 hektarda yeni plantasiyalar salınmışdır. Təzə üzüm bağlar rayonun Gəndob, Ağbaş eləcə də şəhər ərazi vahidliklərində salınmışdır.
Cari ildə bağlardan 860 ton üzüm yığılmışdır ki, bu, ötən ilin göstəricisindən 25 ton çoxdur. Görülən tədbirlər nəticəsində üzüm bağlarının məhsuldarlığı hər hektara görə orta hesabla 70 sentnerə yüksəlmişdir.

AzərTAc

Ünvan: M.Mirqasımov 4 mənzil 42, Bakı, Azərbaycan, Tel./Faks: ( +994 12 ) 441 20 91

Email: azregion@gmail.com