Sorğu

Loading ... Loading ...

Təqvim

December 2020
M T W T F S S
 123456
78910111213
14151617181920
21222324252627
28293031  

Partnyorlarımız

Avtonəqliyyat vasitəsi sahiblərinin mülki məsuliyyətinin icbari sığortasında artım var

2015-ci ilin may ayı ərzində İcbari Sığorta Bürosunun (İSB) informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə 93,647 müqavilə qeydiyyata alınıb.

Trend-in İSB-yə istinadən verdiyi məlumata əsasən, bunların 14,790-nı xarici ölkədə qeydiyyata alınmış və Azərbaycana tranzit məqsədilə daxil olan avtonəqliyyat vasitələri təşkil edib. Qeyd olunan dövrdə bağlanmış icbari sığorta müqavilələri üzrə daxil olan sığorta haqlarının məbləği isə 6,9 milyon manat təşkil edib.

Ötən ilin müvafiq dövrü ilə müqayisədə sığorta müqavilələrinin sayında 1 faiz, sığorta haqlarının məbləğində isə 6 faiz artım müşahidə edilib.

2015-ci ilin yanvar-may ayları ərzində avtonəqliyyat vasitəsi sahiblərinin mülki məsuliyyətinin icbari sığortası üzrə 397 min sığorta müqaviləsi bağlanıb və bu müqavilələr üzrə sığorta haqları 30,1 milyon manat təşkil edib. Ötən ilin müvafiq dövrü ilə müqayisədə sığorta müqavilələrinin sayında 14,5 faiz, sığorta haqlarının məbləğində isə 19,7 faiz artım müşahidə edilib.
/trend.az/

Ünvan: M.Mirqasımov 4 mənzil 42, Bakı, Azərbaycan, Tel./Faks: ( +994 12 ) 441 20 91

Email: [email protected]